الرئيسية
أحدث الصور
التسجيل
[67%] 
أفضل شاعر وأفضل قصيدة في شاعر المليون
قصيدة ناصر الفراعنة السبيعي
شاعر مبدع جدا يخترع الصور التي لاتخطر على قلب شاعر قبله لو دخلنا وتعمقنا في قصائده لوجدنا الابداع الذي لايجارى , رموزه وصوره وابداعه .
رابط القصيدة بالصوت والصورة :
https://www.youtube.com/watch?v=Ian7aAe22uU
رابط آخر بس صوت : للتحميل :
http://up.johina.net/up/1/nagty.zip
قصيدة ناصر الفراعنة السبيعي
شاعر مبدع جدا يخترع الصور التي لاتخطر على قلب شاعر قبله لو دخلنا وتعمقنا في قصائده لوجدنا الابداع الذي لايجارى , رموزه وصوره وابداعه .
ناقتـي ياناقـتـي لاربــاع ولاسـديـس وصليني لابتي مـن وراء هـاك الطعـوس |
حايل ٍ رابع سنه من خيـار العيـس عيـس خفهـا لادرهمـت كنـه بالنـار محسـوس |
في دجى خالي خـلا لاحسيـس ولانسيـس تدوخك من شدة البـرد طقطقـة الضـروس |
في عيوني يكفـخ الطيـر ويطيـح الفريـس وانتهض جساس مـن دون خالتـه البسـوس |
وفي خفوقي فرخ جنيةٍ يضـرس ضريـس يوم اوردها هجـوسٍ واصدرهـا هجـوس |
ديرتي دار ابن ضاري وابن غثلـم جريـس ديرة اللي دوجوا فـي فيافـي نجـد جـوس |
ديرتـي يابنـت شيـخ ٍ ومعدنهـا نفـيـس عيطمـوس ٍ دونهـا دثرتنـي عيطـمـوس |
جادل ٍ مطرق جسدها مـع الغربـي يميـس طينةٍ مـن تربـة الخلـد والـدم محمـوس |
نقشت خمس ٍ من الخمس في يـوم الخميـس ليـت شعـري مـا ارادت بهـذا دختنـوس |
كـم تمنـى إن معـه مثلهـا فتنـة ابليـس كان يمكن قد قلـب نصـف امتنـا مجـوس |
كن دماث الصدر منهـا كنيسـه او كنيـس صومعـة رهبـان ديـرٍ يـؤدون الطقـوس |
آتقـوس مـع تقـوس نواهدهـا وإقـيـس قبتين قـاب قوسيـن قـوس ٍ جنـب قـوس |
خصرها يحكي لنـا واقـع القـوم التعيـس وردفها عن غطرسة بـوش يعطينـا دروس |
وبالرغم مـن قصرهـا مايجالسهـا جليـس تصبح أطول نسوة الارض في وضع الجلوس |
العروسه ماتبي غيـر ابـو تركـي عريـس العروسه نجـد ماهيـب حـي الله عـروس |
نجد بنـت المجـد ونسـة مونسـة الونيـس ماعسفها الا معزي ضحـى اليـوم العبـوس |
كل اهل نجدٍ هلي من اجـاء حتـى الخميـس في ذراهم بالتجـي عـن مجففـة الرسـوس |
وعيشتي مابين اسود ٍ ولـو مانـي رئيـس خير من كوني رئيس ٍ علـى شلقـة تيـوس |
وليس عيبٍ إن خدعني بمكـره كـل هيـس لان مايفهـم بمكـر الهيـوس الا الهيـوس |
مصطفى فـي مأدبـة عمـه البابـا لويـس كبر اللقمه تحت ضـوء حمـراء الكـؤوس |
وطسم حدتها علـى حائـط المبكـى جديـس يوم شقـت ثوبهـا بنـت عفـار ٍ شمـوس |
سيدة هـاك القصـر اسمهـا الاول لميـس دونها سمـر الحناجـر بترهـا حـد مـوس |
قسقة لاحراراهم قيـس قيـس قيـس قيـس والبستهـم مـن مهانتهـم انـواع اللبـوس |
بين خدعة كعـب اخيلـي ومولـد ادونيـس درسونـا الالهـه والـمـدرس هـنـاروس |
ويش لاقوا من قناة السويس اهـل السويـس وويش لاقوا من تلمسان قوم ٍ مـن سنـوس |
كلهم من شـدة الجـوع راحـوا خندريـس بين غيبوبـة مخـدر وصحـوة عرقسـوس |
ثـورةٍ راحـوا سببهـا بتـوع الأتوبـيـس وش نبي فيها وهـي ماتهـز الا الهـروس |
آفة المرء اثنتان الف كـاس وحـب كيـس والنفوس اليا بغيـت اتعرفهـا ارم الفلـوس |
ينكشف زيف الشعارات ليا حمـي الوطيـس ترجع الاذناب اذناب وتبقـى الـروس روس |
صدق لاقال العرب مايحـوص الا الخسيـس ولايوطي الروس شئيٍ مثل ضعف النفـوس |
رابط القصيدة بالصوت والصورة :
https://www.youtube.com/watch?v=Ian7aAe22uU
رابط آخر بس صوت : للتحميل :
http://up.johina.net/up/1/nagty.zip
